Bu ilin iyununda “Qalatasaray”ın baş məşqçi postundan uzaqlaşdırılan Bülənt Korkmazın “Bakı”nı çalışdırıb-çalışdırmayacağına klub rəhbərliyi ilə görüşündən sonra aydınlıq gələcək. Apasport.az saytının məlumatına görə, veteran futbolçu bu gün izləyəcəyi “Bakı” - “Qarabağ” matçından sonra danışıqlar masasına əyləşəcək.

Klub prezidenti Hafiz Məmmədovun şərtləri ilə artıq tanış olan Korkmazın bu yükün altına girməkdən çəkinəcəyi də istisna deyil. O, Məmmədovun çempionat, kubok və “Birlik kuboku” turnirində “qızıl tripl” etmək şərti ilə razılaşmaq istəmir. Hər üç cəbhədə uğur qazanmağın çətinliyini başa düşən Bülənt “bir mövsüm çalışım, sonra baxarıq” prinsipi ilə şərtlərdən yaxa qurtarmağa çalışır.

Xatırladaq ki, karyerası boyu 4 klubda çalışmış məşqçi onların heç birində bütöv mövsüm keçirə bilməyib. Ən yaxşı halda, “Kayseri Ərciyəsspor”la bir mövsümün ikinci dövrəsini sona çatdırıb, növbəti birinciliyin ilk dövrəsinin ortalarında istefaya göndərilib. Digər 3 komandada isə 1 dövrədən artıq ona güvənən olmayıb.

Bülənt Korkmazın baş məşqçi karyerası

klub	oyun	Qələbə	Heç-heçə	Məğlubiyyət	Mümkün xalların faizi
“Kayseri Ərciyəsspor	22	9	7	6	51.5
“Bursaspor”	10	2	4	4	33.3
“Gənclərbirliyi”	13	4	3	6	38.5
“Qalatasaray”	15	7	4	4	55.6
Cəmi	60	22	18	20	46.7

• “İnter” baş məşqçisi ilə bağlı qərarını verdi - RƏSMİ
• Messinin ağ butsları: Qalan hamıda çəhrayı rəngdə - FOTO
• Niko Uilyamsdan sədaqət mesajı: "Karyeramın sonuna qədər..."
• Kukurelya “Real” keçidindən danışdı – “Hər şey 36-48 saata baş verdi”
• Rodrinin gələcəyi sual altında - “Mançester Siti” ilə razılıq yoxdur