Türkiyədə təlim-məşq toplanışında olan Azərbaycanın 19 yaşlılardan ibarət yığması (U-19) növbəti yoxlama oyununu keçirib. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, alman mütəxəssis Bernard Lippertin çalışdırdığı komanda Avropa çempionatının seçmə mərhələsinə hazırlıq çərçivəsində yerli “Konyaspor” klubunun əvəzedici heyəti ilə üz-üzə gəlib.

Ötən mövsüm Superliqada yerini qoruya bilməyən və hazırda Bank Asiya birinci liqasının liderlərindən olan konyalılar milli komandamızla bacarmayıblar. Yığmamız Tural İsgəndərovun vurduğu yeganə qol sayəsində minimal hesablı qələbə qazanıb.

Qeyd edək ki, U-19 Türkiyədəki təlim-məşq toplanışında ilk oyunda Superliqa təmsilçisi “Antalyaspor”un əsas komandasına 1:2 hesabı ilə uduzub.

• “Barselona”nın sabiq prezidenti təzminat alacaq – 232 min avro
• "Fənərbaxça"nın futbolçusu xəstəxanadan evə buraxılıb
• Messi milliyə çağırılıb
• Emre Belözoğlu Çempionşip komandasında çalışa bilər
• "Yamal heyrətamiz futbolçudur"