“Xəzər-Lənkəran” klubu Türkiyədəki hazırlıq prosesinə qələbə ilə başlayıb. Apasport.az saytının məlumatına görə, Antalyada təlim-məşq toplanışında olan Lənkəran təmsilçisi Superliqada sonuncu pillədə qərarlaşan “Kasımpaşa” komandasını yoxlama oyununda 2:1 hesabı ilə yenib. Tanınmış mütəxəssis, bir vaxtlar adı “Xəzər-Lənkəran” ətrafında hallanan Yılmaz Vuralın çalışdırdığı kollektivlə görüşdə bolqar hücumçu İvan Svetkov dubl edib.

“Xəzər-Lənkəran”ın oktyabrın 11-dək davam edəcək hazırlıq prosesində növbəti sınaqçı rəqiblərinin adı dəqiqləşib. Ağasəlim Mircavadovun baş məşqçisi olduğu cənub klubu oktyabrın 8-də “Qaziantepspor”la, iki gün sonra isə “İstanbul Böyükşəhər Bələdiyyəsi”ylə qarşılaşacaqlar. Hər iki komanda Türkiyə Superliqasında çıxış edir.

• Muslera "Estudiantes"də debüt etdi - FİNALDA MƏĞLUB OLDU
• Argentina millisinin üzvü ölkəsinə qayıdır
• Osimhen "Qalatasaray"ın bir addımlığında - 75 milyon avroluq təklif
• Ançelottinin oğlu Braziliya klubunda - RƏSMİ
• "Qalatasaray"da növbəti ayrılıq