Bu gün Çin çempionatının XXVI turuna start verilib. Apasport.az saytının məlumatına görə, Bakının “Neftçi” klubunun sabiq futbolçusu Branimir Subaşiçin çıxış etdiyi “Çanqçun Yatay” növbəti qələbəsini qazanıb.

Lider “Xenan”la üz-üzə gələn 27 yaşlı hücumçunun komandası minimal hesablı qələbə qazanıb. “Çanqçun Yatay”ın qələbə qolunu 70-ci dəqiqədə Qabriel Melkam vurub. Bu uğurdan sonra hesabındakı xalların sayını 40-a çatdıran milliləşən serbiyalının komandası III pilləyə yüksəlməklə yanaşı, liderlə xal fərqini minimuma endirib. Lakin turun başa çatmayan oyunları komandanın bu mövqeyini dəyişə bilər.

Qeyd edək ki, növbəti oyununu oktyabrın 10-da keçirəcək “Çanqçun Yatay” “Quançjou”nun qonağı olacaq.