19 yaşadək futbolçulardan ibarət milli komandalar arasında Avropa çempionatının I seçmə mərhələsinin XIII qrupunun oyunları sabah start götürəcək. Apasport.az saytının məlumatına görə, Azərbaycan yığmasının da mübarizə apardığı qrupun oyunları İsraildə keçirilir. Yığmamız oktyabrın 14-dək davam edəcək oyunlarda meydan sahibləri ilə yanaşı, Danimarka və Polşa ilə də münasibətlərini ayırd edəcək.

İsrail – Azərbaycan
Baş hakim: Xristo Ristoskov (Bolqarıstan)
Baş hakimin köməkçiləri: Ventsislav Qavrilov (Bolqarıstan), Spridon Trifonas (Yunanıstan)
Dördüncü hakim: Mixail Kukulakis (Yunanıstan)
Hakim-inspektor: Yojef Krula (Çexiya)
UEFA nümayəndəsi: İonel Piskanu (Rumıniya)
9 oktyabr, saat 16:00, Nes Ziona. Nes Ziona stadionu

Polşa – Azərbaycan
Baş hakim: Xristo Ristoskov (Bolqarıstan)
Baş hakimin köməkçiləri: Ventsislav Qavrilov (Bolqarıstan), Eyal Hatuka (İsrail)
Dördüncü hakim: Ziv Adler (İsrail)
Hakim-inspektor və UEFA nümayəndəsi: Yan Faşunq (Slovakiya)
11 oktyabr, saat 19:00, Kfar Saba. Lavita stadionu

Azərbaycan - Danimarka
Baş hakim: Mixail Kukulakis (Yunanıstan)
Baş hakimin köməkçiləri: Spridon Trifonas (Yunanıstan), Eyal Hatuka (İsrail)
Dördüncü hakim: Ziv Adler (İsrail)
Hakim-inspektor və UEFA nümayəndəsi: Yan Faşunq (Slovakiya)
14 oktyabr, saat 19:00, Kfar Saba, Lavita stadionu
Oyunların başlanma saatı Bakı vaxtı ilə göstərilib.

Sabah start götürəcək birincilik yığmamızın tarixində XVI yarış olacaq. İndiyədək 7 dəfə U-18, 2001-ci ildən etibarən isə U-19 komandalarının mübarizəsinə qoşulan millimiz Avropa çempionatlarının seçmə oyunlarında uğursuz çıxış edir. İndiyədək yalnız 1 dəfə -2006/07 mövsümündə Arif Əsədovun başçılıq etdiyi yığma ilkin mərhələni adlaya bilib. Digər 14 halda isə futbolçularımız elə ilk qrup səddinə ilişib. İkinci dəfə həmin uğuru yaşamaq üçün çalışacaq U-19 üçün İsraildəki oyunlar daha bir məqamla əlamətdar olacaq.

19 yaşadək futbolçularımız tarixində ilk dəfə rəsmi matça əcnəbi baş məşqçinin rəhbərliyi altında çıxacaq. Sabahkı matç almaniyalı Bernard Lippertin U-19-dakı debütü olmaqla yanaşı, onun adını tarixə yazacaq. O, Əsgər Abdullayev, Valeri Hacıyev, Yaşar Vahabzadə və Şakir Qəribovdan sonra aşağı yaş qruplarından olan bütün yığmalarla rəsmi oyunlara çıxmış V baş məşqçi olacaq. Adıçəkilənlərdən yalnız biri – Abdullayev əsas yığmada da işləmək imkanı qazanmaqla mütləq rekordun sahibidir. Lippert bunu həm U-17, həm də U-21-lə xeyli əvvəl bacarıb. Ümumilikdə isə indiyədək 10 baş məşqçinin rəhbərliyi altında 42 qarşılaşma keçirən yığmamız vur-tut 8 qələbə qazanıb.

mövsüm	Baş məşqçi	o	q	h	m	t	x
U-18
1994/95	Valeri Hacıyev	2	0	0	2	0-9	0
1995/96	Vladimir Bruxti	2	0	0	2	1-5	0
1996/97	Vaqif Sadıqov	2	1	0	1	1-1	3
1997/98	Vaqif Sadıqov	2	0	0	2	2-5	0
1998/99	Əsgər Abdullayev	3	1	0	2	1-4	3
1999/00	Şahin Diniyev	2	0	0	2	1-4	0
2000/01	Şahin Diniyev	3	1	0	2	2-13	3
U-19
2001/02	Şakir Qəribov	2	0	0	2	1-4	0
2002/03	Şakir Qəribov	3	1	0	2	3-11	3
2003/04	Yaşar Vahabzadə	3	0	1	2	2-9	1
2004/05	Nadir Qasımov	3	0	1	2	1-5	1
2005/06	Böyükağa Ağayev	3	0	0	3	2-11	0
2006/07	Arif Əsədov	6	2	1	3	7-17	7
2007/08	Arif Əsədov	3	1	1	1	2-3	4
2008/09	Yaşar Vahabzadə	3	1	1	1	6-2	4
Cəmi		42	8	5	29	32-103	29