Türkiyə milli komandası İspaniya yığmasından gözlənilməz zərbə ala bilər. Apasport.az saytının məlumatına görə, gələn il CAR-da keçiriləcək dünya çempionatının final mərhələsinə çıxmaq şansları minimuma bərabər olan Fatih Terimin yetirmələrinin taleyi artıq möcüzədən asılıdır.

Pley-off mərhələsinə vəsiqə qazanmağa daha yaxın olan Bosniya və Herseqovinanın növbəti 2 matçın heç birində qalib gəlməyəcəyinə ümid edən türklər Estoniyanın öz meydanında, İspaniyanın isə səfərdə uduzmamağına bel bağlamaqla, özləri də 2 qələbə qazanmalıdır. Lakin CAR-a vəsiqəni artıq təmin edən pireneylilərin baş məşqçisi Visente del Boske Terim və komandasının arzularını alt-üst edə bilər. Avropa çempionlarının hazırkı çalışdırıcısı qarşıdakı görüşlərdə, o cümlədən bosniya və herseqovinalılarla matçda eksperiment edəcəyini açıqlayıb.

Bu isə heç də Türkiyə yığmasının xeyrinə deyil: “Futbolda nə baş verəcəyini əvvəlcədən söyləmək olmur. Bu iki matçda eksperimentlər aparıb bütün oyunçulara meydana çıxmaq şansı verəcəyəm”.

Qeyd edək ki, qapıçı İker Kasilyas eksperimentdən kənar qalıb hər 2 matçda meydana çıxsa milli komandada 100-cü, yubiley matçına çıxacaq.

• Premyer Liqa klubunda ayrılıq
• “Real” La Liqa matçının təxirə salınmasını istəyir
• Alleqri: “Leao qalacaq, Modriç avqustda gəlir”
• İngiltərə millisinin üzvü "Nyukasl"ı tərk edib - RƏSMİ
• Luis Suarez “Sportinq”ə keçir?