Türkiyə futbol yığmasının baş məşqçisi Fatih Terim tutduğu vəzifədən istefa verir. Apasport.az saytının məlumatına görə, buna səbəb “ay-ulduzlular”ın dünya çempionatının final mərhələsinə vəsiqə qazana bilməməsi olub. Türklərin yarışdığı qrupda bütün məsələlərə oktyabrın 10-da aydınlıq gəlib. Bosniya və Herseqovina Estoniyanı 2:0 hesabı ilə məğlub edərək, pley-off mərhələsinə yüksəlib. Səfərdə Belçikaya eyni hesabla uduzan Türkiyə yığması isə 3-cü yerlə kifayətlənib.

“Bu turnirdə çıxışımızı uğursuz sayıram. Qrupda ən pis halda, ikinci pillədə qərarlaşmalı idik. Bu vəzifənin öhdəsindən gələ bilmədiksə, deməli günahkar baş məşqçidir” - deyə Terim Belçika ilə görüşdən sonra vurğulayıb.

Təcrübəli çalışdırıcı oktyabrın 14-də Ermənistanla matçdan sonra rəsmən istefa verəcəyini bəyan edib: “Bu, baş məşqçi postunda axırıncı oyunum olacaq”.

• Qyökereş "Arsenal" yolunda
• "Trabzonspor" – "Qalatasaray" matçı bu kanalda
• İtaliya çempionu 3-cü liqaya yuvarlanıb
• Sanço üçün yeni namizəd
• Uilyams Premyer Liqaya keçmək istəyir - 5 klub maraqlanır