Azərbaycan yığması yeni rekord müəyyənləşdirib. Apasport.az saytının məlumatına görə, 19 yaşadək futbolçular arasında Avropa çempionatının seçmə mərhələsində Polşa üzərində qələbə qazanan (2:1) komandamıza bununla da tarixinin ən yüksək nəticəsini göstərib.

İlk matçda meydan sahibləri İsraili üstələyən (3:0) Bernard Lippertin yetirmələri bir seçmə turnirdə ikinci qələbəsini qazanıb. 1994-cü ildən bu yarışlarda oynayan millimiz ən yaxşı halda 1 qələbə qazanırdı. Son 3 mövsümün I seçmə mərhələlərində isə yığmamız rekord sayda – 4 xal toplamışdı: 1 qələbə, 1 heç-heçə.

2006/07 mövsümündə bu mərhələ keçməyə kifayət etsə də, digər iki halda qrupda qalmışdıq. Bu dəfəki 6 xal isə hələ mərhələ keçməyimizi rəsmiləşdirməyib. Son turda Danimarka qarşılaşacaq futbolçularımız 1 top fərqi ilə uduzsa belə, digər qarşılaşmanın nəticəsindən asılı olmayaraq mərhələ adlayacaq. Əks halda, həmin gün – oktyabrın 14-də baş tutacaq Polşa – İsrail matçının nəticəsi və ya digər qrupların yekun cədvəllərinə ümid ütməli olacaq.

Qeyd edək ki, 13 seçmə qrupun hərəsindən 2 komandanın vəsiqə qazanacağı növbəti mərhələyə 2 ən yaxşı üçüncü yer də vəsiqə qazanacaq.

1	Azərbaycan	2	2	0	0	5-1	6
2	Polşa	2	1	0	1	3-3	3
3	Danimarka	2	1	0	1	2-2	3
4	İsrail	2	0	0	2	0-4	0

• "Barselona" qol oldu, yağdı - 6 qollu qələbə
• Xabi Alonso “Real”ın tarixinə düşüb
• “Fənərbaxça” - “Trabzonspor” matçı bu kanalda
• “Beşiktaş”ın futbolçusu Yunanıstan klubunda - RƏSMİ
• “Fənərbaxça” – “Trabzonspor” oyununun saatı dəyişdirilib: MİLLİ MATÇA GÖRƏ