“Bu, jurnalistlər istisna olmaqla, bütün argentinalıların uğurudur. Onlar bütün seçmə mərhələ boyu məni çirkaba bulaşdırırdılar”. Apasport.az saytının məlumatına görə, bu sözləri futbol əfsanəsi Dieqo Maradona deyib.

Argentina milli komandasının baş məşqçisi yetirmələrinin Uruqvayla səfər oyunundan sonra ürəyini boşaldıb. Qələbə sayəsində dünya çempionatına vəsiqə qazanan cənubi amerikalıların çalışdırıcısı son vaxtlar aldığı məğlubiyyətə görə onu tənqid edən həmkarlarımıza olan bütün qəzəbini ortaya qoyub: “Lakin biz bu sınaqdan alnıaçıq çıxa bildik. Bu qələbəni ailəm də daxil olmaqla, argentinalılara həsr edirəm. Təbii ki, bu jurnalistlərə şamil olunmur. Mənə zibil kimi münasibət bəsləyirdilər. Əsl kişi kimi mübarizə aparan futbolçularımıza isə təşəkkür edirəm”.

• "Liverpul" Avropa çempionunu istəyir
• “Ulduz Cup”a yekun vuruldu
• Almaniyalı məşqçi yol qəzasında vəfat edib
• "Trabzonspor" Portuqaliya klubunun iki futbolçusunu transfer edib
• "Qarabağ"ın rəqibi futbolçusunu Türkiyə klubuna icarəyə göndərib