“Neftçi”: Rəhbərlik dəyişsə də, nəticə dəyişmir

18.10.2009 - 17:07

Unibank Premyer Liqasında VII tura yekun vurulub. Apasport.az saytının xəbərinə görə, şənbə günü “Bakı” türkiyəli çalışdırıcısı Bülənt Korkmazın rəhbərliyi altında keçirdiyi ilk rəsmi oyunu 3 xalla başa vurub. Son ölkə çempionu Tovuzda yerli “Turan”ı braziliyalı hücumçu Jabanın vurduğu qolla yenib.

Zaqatalada “Karvan”ı 2 cavabsız qolla üstələyən “Simurq” birinci pillədəki mövqeyini möhkəmlədib. “Xəzər-Lənkəran” 3 növbəti 3 xalını yenə də Allan Lalinin dublu sayəsində reallaşdırıb. Honduraslı futbolçu bundan əvvəlki turda da iki qol vuraraq, komandasına “Muğan” üzərinə qələbə qazandırmışdı.

Günün digər qarşılaşmasında “Olimpik-Şüvəlan” Qəbələdə eyni adlı komandaya uduzub.

Bu gün isə çempionatda daha 2 qarşılaşma baş tutub. Əzəli rəqiblər “Qarabağ” və “Neftçi” Quzanlıda üz-üzə gəlib. Oyunun taleyini Vaqif Cavadovun vurduğu yeganə qol həll edib. Ağdam təmsilçisi bu qələbə ilə turnir cədvəlində liderlər arasında yerini möhkəmlədib. Baş məşqçi və vitse-prezidentini dəyişən “Neftçi” isə yenə azarkeşlərini məyus edib.

Salyanda “Muğan” və paytaxtın “İnter” klubları arasındakı matçda isə qapılara 7 qol vurulub. Qonaq komanda meydan sahiblərinə aman verməyərək, 6 qol vurublar. “Muğan” bu qollardan yalnız birinin əvəzini çıxa bilib.

18 oktyabr

“Muğan” – “İnter” - 1:6
QOLLAR: Narcisse, 30 - Rubin, 15; 18; Da Silva, 23; Abbasov, 45; Poşkus, 70; 85
Baş hakim: Rövşən Əhmədov
Hakim-köməkçiləri: Azər Məmmədov, Ramiz Əsədov, Zöhrab Əliyev
Salyan. Olimpiya İdman Kompleksinin stadionu

“Qarabağ” – “Neftçi” - 1:0
QOL: Vaqif Cavadov, 43
Baş hakim: Azad Mütəllimov
Hakim-köməkçiləri: İlham Əliyev, Vaqif Musayev, Elvin Əsgərov
Ağdam. Quzanlı qəsəbə stadionu

17 oktyabr

“Standard” – “Xəzər-Lənkəran” - 1:2
QOLLAR: Georgia Seturidze, 8 - Allan Lalin, 1; 44
Baş hakim: Əfqan Həmzəyev
Hakim-köməkçiləri: Elman Musayev, Roman Vasilyev, Fariz Yusifov
Sumqayıt. Mehdi Hüseynzadə adına şəhər stadionu

“Turan” – “Bakı” - 0:1
QOL: Jaba, 42
Baş hakim: Anar Salmanov
Hakim-köməkçiləri: Azər Əsgərov, İsgəndər Əliyev, Feyzulla Feyzullayev
Tovuz. Şəhər stadionu

“Qəbələ” – “Olimpik-Şüvəlan” - 2:1
QOLLAR: Kənan Kərimov, 60; K. Alves dos Santos, 68 (avtoqol) - Anatoli Doroş, 55
Baş hakim: Elçin Məmmədov
Hakim-köməkçiləri: Aydın Ələkbərov, Samir Hacıyev, Rasim Məmmədov
Qəbələ. Şəhər stadionu

“Simurq” – “Karvan” - 2:0
QOLLAR: Elşən Məmmədov, 34; Ruslan Qunçak, 52
Baş hakim: Vüsal Əliyev
Hakim-köməkçiləri: Mübariz Haşımov. Azad Q.Hüseynov, Ceyhun Haşımov
Zaqatala. “Simurq” stadionu

N	Komandalar	O	Q	H	M	T	X
1	Simurq	6	4	1	1	7-3	13
2	İnter"	6	4	1	1	13-6	13
3	Qarabağ"	6	4	1	1	5-2	13
4	Xəzər-Lənkəran	5	3	2	0	7-3	11
5	Muğan	6	3	1	2	5-8	10
6	Neftçi"	6	3	0	3	5-5	9
7	Qəbələ"	6	2	2	2	8-10	8
8	Bakı	5	2	1	2	3-3	7
9	Olimpik-Şüvəlan	6	1	2	3	9-11	5
10	Karvan	6	1	1	4	8-10	4
11	Standard	6	0	2	4	4-8	2
12	Turan	6	0	2	4	5-10	2