“Xəzər-Lənkəran”: Çori İlirdən Mario Souzayadək

05.11.2009 - 13:04

Azərbaycan kubokunun 1/8 final mərhələsinin “Muğan”la ilk oyunu “Xəzər-Lənkəran” üçün əlamətdar olub. Apasport.az saytının məlumatına görə, Mario Souzanın 53-cü dəqiqədə vurduğu ikinci top klubun beş illik tarixinə 350-ci qol kimi düşüb. İndiyədək rəsmi yarışlarda 196 oyuna çıxan “ağ-yaşıllar”a müxtəlif rəqibləri 350-ci dəfə məyus etmək üçün təxminən 63 ay vaxt lazım olub. 2004-cü il avqustun 7-də “Xəzər Lənkəran”ın ilk qolunun müəllifi alban Çori İlir olub.

Maraqlıdır ki, komanda ardıcıl ikinci dəfə yubiley qollarını “Muğan”ın qapısından, özü də Azərbaycan kuboku turnirinin 1/8 final mərhələsində keçirib. Təxminən bir il öncə salyanlıları Klaudio Radukanu məyus etmişdisə (300-cü qol), bu dəfə səhnəyə Mario Souza çıxıb.

Qeyd edək ki, “Xəzər-Lənkəran”ın yubiley qollarına dörd yerli və dörd legioner futbolçu imza atıb. Bunlardan yalnız 200-cü və 250-ci qolların müəllifi olan Zaur Ramazanov iki yubileyi rəsmiləşdirib.

“Xəzər Lənkəran”ın yubiley qolları

1	2	3	4	5	6	7	8
1	Çöri İlir (Albaniya)	çempionat	Turan	s	1:1	07.08.2004	26
50	Oqtay Dərəlioğlu(Türkiyə)	çempionat	MOİK	s	1:0	12.04.2005	40
100	Xaqani Məmmədov	çempionat	Olimpik	e	1:0	12.02.2006	78
150	Vüqar Nadirov	Kubok,1/8	Bakılı	e	4:0	20.11.2006	90+1
200	Zaur Ramazanov	Çempionat	Masallı	s	3:0	18.08.2007	88
250	Zaur Ramazanov	Birlik kuboku,final	Paxtakor (Özbəkistan)	n	4:3	27.01.2008	43
300	Klaudiu Radukanu (Rumıniya)	Kubok,1/8	NBC (indiki Muğan)	e	3:0	30.10.2008	23
350	Mario Souza (Braziliya)	Kubok, 1/8	Muğan	e	3:0	04.11.2009	53

Qeyd: 1 - yubiley qolu, 2 - müəllif, 3 - turnir, 4 - rəqib, 5 - meydan, 6 - oyunun hesabı, 7 - tarix, 8 - yubiley qolunun dəqiqəsi.

2004/05 mövsümünün çempionatına təsadüf edən “Şəfa” üzərində texniki qələbə (3:0) top fərqində nəzərə alınmır.

mənbə: www.lankaranfc.com