“Komandanın düşərgəsində hər şey qaydasındadır. Lakin İraqa gözlənilməz məğlubiyyətə uğradığımızdan bir qədər məyusuq. Halbuki həmin oyunda qalib gəlməli idik”. Bu sözləri apasport.az saytının Birləşmiş Ərəb Əmirliklərinin (BƏƏ) Əl-Ayn şəhərinə ezam olunmuş xüsusi müxbirinə açıqlamasında Azərbaycan milli komandasının futbolçusu Fabio Luis Ramim deyib.

“Bakı” klubunun da şərəfini qoruyan braziliyalı yarımmüdafiəçi BƏƏ-də keçirilən beynəlxalq turnir haqqında fikirlərini bölüşüb. O, sabah yarışın 3-cü yeri uğrunda görüşdə Çexiyaya qalib gəlmək istədiklərini gizlətməyib: “Heyətimiz peşəkar futbolçulardan ibarətdir. Ona görə də, İraqa məğlubiyyəti unudub, Çexiyaya qalib gəlmək istəyirik. Düzdür, hava bir qədər istidir. Bütün bunlara baxmayaraq, öz oyunumuzu nümayiş etdirərək, qələbə qazanmağa çalışacağıq”.

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır