Azərbaycanlı iş adamı Mübariz Mənsimov Türkiyənin “Beşiktaş” komandasının futbolçularına yeni mükafat ayırıb. Lent.az-ın “Ajansspor”a istinadən verdiyi məlumata görə, “Palmali” Şirkətlər Qrupunun rəhbəri “Beşiktaş”ın “Fənərbağça” üzərində qalib gələcəyi təqdirdə komandaya 500 min lirə (təqribən 200 min avro) mükafat verəcək.

Əslində, Mənsimov bu məbləği “qartallar”ın noyabrın 3-də öz meydançasında Almaniyanın “Volfsburq” klubu ilə keçirdiyi Çempionlar Liqası matçında qələbə üçün ayırıb. Lakin həmin qarşılaşmada Türkiyə çempionu 0:3 hesabı ilə uduzduğundan, həmyerlimizin pulu cibində qalıb. Amma indi o, pulunu “Beşiktaş”ın “Fənərbağça” üzərində qələbəsi üçün xərcləmək niyyətindədir.

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır