Berti Foqtsun və milli komandamızın uğuru dünya mətbuatında
19.11.2009 - 11:59
Azərbaycan milli komandasının Birləşmiş Ərəb Əmirliklərində (BƏƏ) keçirilən beynəlxalq turnirdə Çexiyanı məğlub etməsi dünya mətbuatının da diqqətindən kənarda qalmayıb. Apasport.az saytının məlumatına görə, noyabrın 18-də keçirilən yoldaşlıq oyunları və bu cür yarışlarla bağlı reportaj hazırlayan həmkarlarımız yığmamızın uğuruna xüsusi yer ayırıb.
Almaniyalı jurnalistlər əsasən, həmvətənləri Berti Foqts və səfərdə yoldaşlıq görüşü çərçivəsində Avstriyanı üstələmiş (5:1) İspaniya milli komandasına daha çox diqqət veriblər. Qəzetlərdə və portallarda “İspaniyanın asan qələbəsi və Foqtsun böyük uğuru” kimi manşetlərə rast gəlmək mümkündür. Foqtsun həmyerliləri Avropanın sabiq vitse-çempionu Çexiyanın FİFA-nın reytinq cədvəlində 125-ci sırada qərarlaşmış Azərbaycan yığmasına 0:2 hesabı ilə uduzmasını sevinclə qarşılayıblar. Onlar bir müddət əvvəl AFFA rəhbərliyi ilə müqaviləsinin müddətini 2 il artıran Foqtsun yetirmələrinin uğurlarının ənənəyə çevrildiyini də bildiriblər: “Artıq Foqtsun komandasının uduzmadığı oyunların sayı artıb. O, son 4 matçdan 3-də məğlub olmayıb”.
Qeyd edək ki, dünya çempionatının seçmə mərhələsinin axırıncı 2 oyununda Lixtenşteyn (2:0) və Rusiya (1:1), beynəlxalq turnirdə isə İraq (0:1) və Çexiya (2:0) ilə görüşən futbolçularımız bu qarşılaşmalarda hesabına 7 xal yazıb.
Almaniyalı jurnalistlər əsasən, həmvətənləri Berti Foqts və səfərdə yoldaşlıq görüşü çərçivəsində Avstriyanı üstələmiş (5:1) İspaniya milli komandasına daha çox diqqət veriblər. Qəzetlərdə və portallarda “İspaniyanın asan qələbəsi və Foqtsun böyük uğuru” kimi manşetlərə rast gəlmək mümkündür. Foqtsun həmyerliləri Avropanın sabiq vitse-çempionu Çexiyanın FİFA-nın reytinq cədvəlində 125-ci sırada qərarlaşmış Azərbaycan yığmasına 0:2 hesabı ilə uduzmasını sevinclə qarşılayıblar. Onlar bir müddət əvvəl AFFA rəhbərliyi ilə müqaviləsinin müddətini 2 il artıran Foqtsun yetirmələrinin uğurlarının ənənəyə çevrildiyini də bildiriblər: “Artıq Foqtsun komandasının uduzmadığı oyunların sayı artıb. O, son 4 matçdan 3-də məğlub olmayıb”.
Qeyd edək ki, dünya çempionatının seçmə mərhələsinin axırıncı 2 oyununda Lixtenşteyn (2:0) və Rusiya (1:1), beynəlxalq turnirdə isə İraq (0:1) və Çexiya (2:0) ilə görüşən futbolçularımız bu qarşılaşmalarda hesabına 7 xal yazıb.
0
0