Polşalı futbolçu Tomaş Stolpa “Qəbələ” klubunun tarixinə düşüb. Apasport.az saytının məlumatına görə, Azərbaycan çempionatının XI turunun “Standard”la oyununda hesabı açan hücumçu həm də qəbələlilərin yubiley qolunun müəllifi olub. Belə ki, 21-ci dəqiqədə vurulan top klubun yarandığı gündən rəsmi matçlarda vurduğu 200-cü qol olub.

Dörd il əvvəl yaradılan və ilk vaxtlar Xanları təmsil edən klub əvvəl “Göy-göl”, sonra isə “Gilan” adı ilə çıxış edirdi. Güclülər dəstəsinə çıxandan sonra Xanlardan Qəbələyə köçən komanda bir il sonra – 2007-ci ilin yayında adını da dəyişdi. Bu gün keçirilən oyunadək birinci dəstə, kubok və güclülər dəstəsində üst-üstə 199 top vuran komanda Stolpanın fərqlənməsi ilə yubileyini qeyd etdi.

	Güclülər dəstəsi	Kubok	Birinci dəstə	Cəmi
2005/06	-	6	72	78
2006/07	17	11	-	28
2007/08	33	10	-	43
2008/09	28	8	-	36
2009/10	15	1	-	16
Cəmi	93	36	72	201

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır