Futzal üzrə UEFA kubokunun elit raundunda ikinci turun oyunları keçirilib. Apasport.az saytının məlumatına görə, Bakıda keçirilən D qrupu çərçivəsində daha 2 qarşılaşma baş tutub. Azərbaycan çempionu “Araz” bu dəfə də 7 qol vuraraq, hesabına 3 xal əlavə edib. İlk turun “Nikars”la oyunundan (7:1) fərqli, “Atina-90”la görüşdə təmsilçimiz qapısını toxunulmaz saxlayıb - 7:0. Namiq Məmmədkərimov və Santosun het-trikə imza atdığı görüşdə daha bir qolu Rizvan Fərzəliyev vurub. Qrupumuzda keçirilən digər matçda isə Qazaxıstan “Kayrat”ı Latviya çempionu “Nikars”ı çətinliklə üstələyib. Əsas favoritlərdən sayılan qazaxıstanlılar yenə 3:2 hesabı ilə qalib gəliblər. Bu oyunlardan sonra qrupun axırıncı oyunu qabaqcadan gözlənildiyi kimi, həlledici xarakter daşıyacaq. Noyabrın 22-də baş tutacaq “Araz” - “Kayrat” görüşündə naxçıvanlıları heç-heçə də qane edəcək. “Dördlər finalı”na yeganə vəsiqənin sahibini müəyyənləşdirəcək bu qarşılaşma saat 21:00-da start götürəcək. Günün digər oyununda isə “Nikars” “Atina-90”la üz-üzə gələcək.

1	“Araz”	2	2	0	0	14-1	6
2	“Kayrat”	2	2	0	0	6-4	6
3	“Nikars”	2	0	0	0	3-10	0
4	“Atina-90”	2	0	0	0	2-10	0

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır