“Bakı” klubunun baş məşqçisi Bülənt Korkmaz bu gün Unibank Premyer Liqasının XII turu çərçivəsində Tofiq Bəhramov adına stadionda “Xəzər-Lənkəran”a məğlubiyyəti hakimin ayağına yazıb. Apasport.az saytının məlumatına görə, oyundan sonra təşkil olunan mətbuat konfransında türk çalışdırıcı qeyd edib ki, matçı idarə edən baş hakim Əfqan Həmzəyev çoxlu səhvlərə yol verib.

“Hakim xeyli səhv buraxdı və bu birbaşa nəticəyə təsir göstərdi. O, oyunumuzu məhv etdi. Məğlub olduğumuza görə çox məyusam. Çünki bu gün mütləq qələbə qazanmalı idik” – deyə Korkmaz bildirib.
Xatırladaq ki, “Bakı” öz meydanında “Xəzər-Lənkəran”a 0:3 hesabı ilə uduzub.