Daha bir futbolçuda A/H1N1 virusu aşkarlanıb. Apasport.az saytının məlumatına görə, bu dəfə Türkiyənin “Sivasspor” klubunun üzvü İbrahim Dağaşan “donuz qripi”nə tutulub. Ölkə çempionatı çərçivəsində noyabrın 29-da “Beşiktaş”la matça hazırlaşan futbolçu oyun günü səhər saatlarında yüksək temperaturdan şikayətlənib. Müayinə olunmaq üçün İstanbula göndərilən İbrahimə “donuz qripi” diaqnozu qoyulub və o, xəstəxanaya yerləşdirilib. Bütün oyunu Dağaşanın üzərində qurduğunu bildirən “Sivasspor”un baş məşqçisi Muhsin Ertuğral isə “Beşiktaş”a minimal hesabla məğlub olub.