19 yaşadək futbolçular arasında 2011-ci ildə keçiriləcək Avropa çempionatının birinci seçmə mərhələsinin püşkü atılıb. Apasport.az saytının məlumatına görə, gələn ilin payızında baş tutacaq seçmə oyunlarda Azərbaycan milli komandasının rəqibləri də müəyyənləşib.

İsveçrənin Nyon şəhərində təşkil olunmuş püşkatmanın nəticələrinə əsasən, yığmamız 3-cü qrupda yer alıb. Komandamızın rəqibləri Yunanıstan, Portuqaliya və Gürcüstan olub. Bu kollektivlər 2010-cu il oktyabrın 11-dən 16-dək Portuqaliyada mübarizə aparacaqlar.

Qeyd edək ki, Avropa çempionatının final mərhələsi 2011-ci ildə Rumıniyada keçiriləcək.