AFFA-nın baş katibi Elxan Məmmədov İsveçrəyə yollanıb. Apasport.az-ın assosiasiyanın rəsmi saytına istinadən məlumatına görə, qurum rəsmisinin Nyon şəhərinə səfəri işgüzar xarakter daşıyır. Bu gün Vətəni tərk edən Məmmədovun bir günlük səfəri müxtəlif layihələrlə bağlıdır. O, UEFA-nın müvafiq departamentlərində görüşlər keçirərək, müzakirələr aparacaq.