“Denis Silvanın komandamızdan gedişi ilə bağlı söhbət yoxdur. Sadəcə, onun müqaviləsinin müddəti bitmək üzrədir. Denis hazırda da komandanın düşərgəsindədir, məşqlərdə iştirak edir”. Bunu apasport.az saytına açıqlamasında “Xəzər-Lənkəran” klubunun vitse-prezidenti Tuyqun Nadirov deyib.

Lənkəranlıların 2008-ci ilin qışında transfer etdikləri braziliyalı Denis Silvanın razılaşmasının vaxtı bu ayın sonunda bitəcək. Ancaq Nadirov bildirib ki, müdafiəçinin komandada çıxışını davam etdirməsi məsələsi müsbət həll olunmalıdır: “Biz legionerlərlə 2 ildən aşağı müddətə müqavilə bağlamırıq. Komandamıza 2008-ci ilin qışında gələn Denislə həmin vaxt imzaladığımız anlaşmanın müddəti bitir. Bundan sonra onun məsələsinə baxacağıq. İnanırıq ki, bu, müsbət həll olunacaq və Silva ilə yeni müqaviləni razılaşdıracağıq. “Xəzər-Lənkəran” kimi klubda oynamağı kim istəməz ki?”

Qeyd edək ki, “Xəzər-Lənkəran”ın ötən ilin yanvarında “MDB və Baltikyanı ölkələrin çempionlarının Birlik kuboku”nu qazandığı vaxt transfer etdiyi Denis Azərbaycan kubokunun qalibi olub.

• İngiltərə millisinin sabiq futbolçusu altıncı liqa klubuna keçib
• "Liverpul" "Real Madrid" ulduzu üçün 130 milyon avro xərcləməyə hazırdır
• Obameyanq Fransaya qayıdır
• "Valensiya"nın üzvü “Arsenal”a keçməyə çox yaxındır
• “Qalatasaray” Osimhen üçün son təklifini göndərib