“Xəzər-Lənkəran” klubunun qış fasiləsi ilə bağlı planlarına tam aydınlıq gəlib. Apasport.az saytının məlumatına görə, rəhbərlik futbolçulara cəmi 17 gün istirahət verəcək. Dekabrın 24-də “Muğan”la keçiriləcək matçdan sonra istirahətə buraxılacaq oyunçular gələn il yanvarın 11-də bir araya gələcəklər. Həmin gün Bakıda yığışacaq komanda ertəsi Türkiyəyə yollanacaq.

Yanvarın 12-dən 28-dək Antalya şəhərində təlim-məşq toplanışı keçəcək "Xəzər-Lənkəran" hazırlıq dövründə 3 yoxlama oyununda qüvvəsini sınayacaq. Komandanın rəqiblərindən biri artıq məlumdur. "Xəzər-Lənkəran" yanvarın 23-də Rusiyanın "Spartak" (Moskva) klubu ilə qarşılaşacaq.

• İngiltərə millisinin sabiq futbolçusu altıncı liqa klubuna keçib
• "Liverpul" "Real Madrid" ulduzu üçün 130 milyon avro xərcləməyə hazırdır
• Obameyanq Fransaya qayıdır
• "Valensiya"nın üzvü “Arsenal”a keçməyə çox yaxındır
• “Qalatasaray” Osimhen üçün son təklifini göndərib