Sabah Tovuzun “Turan” klubunda iclas keçiriləcək. Apasport.az saytının məlumatına görə, tədbirə klub prezidenti Musa Süleymanov, baş məşqçi Nizami Sadıqov, digər rəhbər şəxslər və oyunçular qatılacaq.

Yığıncaqda “Turan”ın 2009/10 mövsümünün ikinci hissəsinə hazırlıq planı və heyətlə bağlı məsələlər müzakirə olunacaq. Tovuzluların legionerlərindən biri Oleq Xromtsovla yollarını ayıracağı da bu tədbirdə dəqiqləşəcək. Əvəzedici komandada bombardirlik keyfiyyətlərini nümayiş etdirən futbolçu əsas komandada möhkəmlənə bilməyərək cəmi 6 matçda şans qazanıb və 1 qol vurub. Bu səbəbdən də 29 yaşlı moldovalı hücumçunun “Turan”ı tərk edəcəyi gözlənilir.

• Premyer Liqa klubunda ayrılıq
• “Real” La Liqa matçının təxirə salınmasını istəyir
• Alleqri: “Leao qalacaq, Modriç avqustda gəlir”
• İngiltərə millisinin üzvü "Nyukasl"ı tərk edib - RƏSMİ
• Luis Suarez “Sportinq”ə keçir?