Azərbaycanın 19 yaşlılardan ibarət yığması (U-19) Valentin Qranatkinin xatirəsinə həsr olunan turnirdə qrup mərhələsindəki oyunları başa vurub. Apasport.az saytının məlumatına görə, Bernard Lippertin rəhbərlik etdiyi komandamız Sankt-Peterburqda təşkil olunan turnirin qrup mərhələsinin son görüşündə Finlandiya ilə heç-heçə edib – 1:1. Bununla da, keçirdiyi 3 oyunda 2 xal toplayan yığmamız qrupda 3-cü yeri tutub.

Qeyd edək ki, ötən il turnirdə 7-ci yeri tutan komandamız bu dəfə nəticəsini yaxşılaşdırıb. Belə ki, Lippertin yetirmələri iki gün sonra Bakı vaxtı ilə saat 14:00-da 5-ci yer uğrunda görüşə çıxacaq. Yığmamızın rəqibi böyük ehtimalla özbək həmyaşıdları olacaq. Buna bu gün axşam saatlarında hər iki qrupda oyunlar başa çatdıqdan sonra aydınlıq gələcək.

komandalar		O	Q	H	M	T	X
1	Türkiyə	2	2	0	0	4-2	6
2	Ukrayna	2	1	1	0	2-1	4
3	Azərbaycan	3	0	2	1	3-4	2
4	Finlandiya	3	0	1	2	2-4	1

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər