21 yaşadək futbolçulardan ibarət Azərbaycan milli komandasının Avropa çempionatının seçmə mərhələsində keçirəcəyi növbəti oyunun yeri və vaxtı müəyyənləşib. Apasport.az saytının məlumatına görə, Şotlandiya yığması ilə martın 2-də baş tutacaq oyun Falkirk şəhərində keçiriləcək.

Görüş şəhərin eyni adlı stadionuna təyin olunub. 2004-cü ildə inşa olunan bu arena 10 min tamaşaçı tutur. Şotlandiya – Azərbaycan oyunu Bakı vaxtı ilə saat 23:30-da başlayacaq ki, bu da matçın ölkəmizdə martın 3-ü olanda bitməsi deməkdir.

Qeyd edək ki, bu, yığmamızın seçmə mərhələdə 6-cı qarşılaşmasıdır. Bernard Lippertin yetirmələri ilk 5 görüşdə cəmi 1 xal toplaya bilib.

• "Udineze"də fransalı müdafiəçi
• “Qalatasaray”da ciddi itki
• Çempionlar Liqası matçı ləğv olundu
• Yürgen Klopp ordenlə təltif olundu
• Derbidə meydana yad əşya atan azarkeş ömürlük cəzalandırılıb