Zaqatalanın “Simurq” klubu baxışa daha bir legioner çağırıb. Apasport.az saytının məlumatına görə, komandanın baş məşqçisi Roman Pokoranın dəvət etdiyi yeni həmyerlisi Andrey Qrinçenkodur.

Son iki mövsümü Ukraynanın yüksək liqasında Luqanskın “Zarya” klubunda (25 oyun) keçirən 24 yaşlı sol cinah müdafiəçisi 1,81 metr boya malikdir. Pokoranın Tiflisdəki hazırlıq prosesində sınadığı Qrinçenko bəyənilərsə, onunla müqavilə bağlanacaq və bununla da “Simurq”dakı ukraynalıların sayı 6-ya çatacaq.

Qeyd edək ki, zaqatalalıların hazırda heyətində 5 ukraynalı (qapıçı Vitali Postranski, müdafiəçi, eyni zamanda kapitan Aleksandr Malıgin, yarımmüdafiəçi Ruslan Qunçakla Yuri Bulıçev və hücumçu Sergey Artyux) var.

• Türkiyə millisinin futbolçusuna hücumda şübhəli bilinən 5 nəfər həbs edilib - YENİLƏNİB
• Kurtua zədələnib
• "Real"ın sabiq kapitanı Misir klubuna keçə bilər
• Qrizmandan sürpriz qərar: Millidən ayrıldı
• Cəlal oynamadı, komandası uduzdu - VİDEO