Avropa çempionatının 1/4 finalına yüksələn Azərbaycan futzal yığmasının üzvləri bu gün istirahət ediblər. Apasport.az saytının Budapeştə ezam olunmuş xüsusi müxbirinin məlumatına görə, baş məşqçi Joze Alesio da Silva Çexiya ilə prinsipial qarşılaşmadan sonra yetirmələrinə istirahət verib. Bundan yararlanan futzalçılarımız Budapeştin mərkəzi küçələrini gəziblər, görməli yerlərində olublar. Milli komandamız 1/4 final matçının hazırlığına sabahdan etibarən başlayacaq. Bu mərhələnin oyunu isə yanvarın 25-də keçiriləcək. Rəqibimiz ya İtaliya, ya da Ukrayna olacaq. Avropa çempionatına yanvarın 30-da yekun vurulacaq.

• “Qalatasaray” Bernardo Silva transferindən imtina etdi
• Ronaldonun yeni baş məşqçisi kim olacaq? – İki namizəd ön plandadır
• Dünya çempionatında yaş sadəcə rəqəmdir – 40-ı keçən 7 futbolçu
• “Arsenal”da yay təmizliyi – 8 futbolçu satış siyahısında
• Aziz Yıldırımdan ilk təklif – Zeki Çelik ilə 3 illik müqavilə