AFFA prezidenti Rövnəq Abdullayev futzal üzrə Azərbaycan yığma komandasının Avropa çempionatının final mərhələsində iştirakını qiymətləndirib. Apasport.az saytının AFFA-nın rəsmi saytına istinadən verdiyi məlumata görə, Abdullayev futzalçılarımızın Macarıstanın paytaxtı Budapeştdə uğurlu çıxışını, Macarıstan və Çexiya yığmaları üzərində qazandığı qələbələri yüksək dəyərləndirib: “Bu münasibətlə bütün azarkeşlərimizi təbrik edirəm. Komandamıza növbəti oyunlarda daha böyük uğurlar arzulayıram”.

Qeyd edək ki, yığmamız yüz faiz nəticə ilə yer aldığı A qrupunun qalibi olub. Yığmamızın yanvarın 25-də keçiriləcək 1/4 finalda rəqibi “B” qrupunda ikinci yeri tutan komanda olacaq.

• “Fənərbaxça” “Qalatasaray”la xal fərqini 3-ə endirdi
• “Əl-Nəsr”in Ronaldo planı
• Dünya çempionatı 12 stadionda
• Palmer rekorda imza atdı
• Osimhen ilk qolunu vurdu, "Qalatasaray"ın seriyası qırıldı