FİFA milli komandaların 2010-cu il üçün ilk reytinq cədvəlini açıqlayıb. Apasport.az saytının məlumatına görə, Azərbaycan yığması mövqeyini dəyişməyib.

Berti Foqtsun baş məşqçisi olduğu milli komandamız 2009-cu ili başa vurduğu 114-cü yerdə qalıb. Hesabında 236 xal olan yığmamız UEFA-da 45-ci pilədə yerdədir. Milli komandamızın qarşıdakı yoldaşlıq görüşləri üçün rəqiblərindən Lüksemburq (195 xal) 4 pillə irəliləyərək, 124-cü, 5 pillə irəliləyən İordaniya yığması (276 xal) 106-cı yerə yüksəlib. FİFA-nın reytinq cədvəlində ilk “üçlük” də dəyişməyib – İspaniya (1627 xal), Braziliya (1568 xal), Hollandiya (1288 xal). Daha bir pillə geriləyən Türkiyə yığması (728 xal) 42-ci yerə düşüb.

Qeyd edək ki, FİFA yanvarda reytinq cədvəlini açıqlamamışdı.

• Türkiyə - İspaniya matçının keçiriləcəyi stadion açıqlanıb
• "Milan" futbolçularından analarına jest
• Amorim onu komandada saxlamaq istəyir
• “Fənərbaxça” Premyer Liqa klubunun hücumçusu ilə maraqlanır
• "Beşiktaş" sabiq "Barsa"lı ilə danışıqlara başlayıb