Mahir Şükürov ermənilərlə üz-üzə

17.02.2010 - 09:37

Azərbaycan milli komandasının futbolçusu Mahir Şükürovun çıxış etdiyi Rusiyanın “Anji” klubu növbəti təlim-məşq toplanışına başlayıb. Apasport.az saytının məlumatına görə, qış fasiləsində 3-cü dəfə Türkiyəyə yollanan komanda Antalyanın “Sueno” otelində məskunlaşıb.

28 yaşlı müdafiəçimizin komandası qonşu ölkədə 5 yoldaşlıq görüşü keçirməyi planlaşdırır. “Anji” ilk matçını bu gün Ermənistan çempionu “Banants”a qarşı keçirəcək. Şükürov və yoldaşları ermənilərlə üz-üzə gəldikdən sonra fevralın 20-də Ukraynanın “Krivbass”, 22-də dağılmaq üzrə olan və taleyi hələ də qaranlıq qalan Rusiyanın “Krılya Sovetov”, 26-da isə Özbəkistanın “Lokomotiv” klubu ilə qüvvəsini sınacaq. Təlim-məşq toplanışı çərçivəsində martın 1-də keçirilməsi nəzərdə tutulan son yoxlama oyununda rəqibin kimliyi hələlik bilinmir.