Dünya futbolunda analoqu olmayan hadisə baş verib. Apasport.az saytının məlumatına görə, Şotlandiyanın “Houk Yunayted” həvəskar klubunun futbolçusu Pol Kuper 1 oyunda 6 qırmızı vərəqə alıb. Bu olay ötən ilin payınıza təsadüf etsə də, Şotlandiya Futbol Assosiasiyası faktı uzun müddət gizlədib.

Qalmaqal “Houk Yunayted”in çempionat çərçivəsində növbəti matçının başa çatmasına 10 dəqiqə qalmış yaşanıb. Görüşün baş hakimi 80-ci dəqiqədə Kuperə ikinci dəfə sarı vərəqə göstərib. Avtomatik qırmızı vərəqəyə çevrilən bu cəza hücumçunun meydandan qovulması ilə nəticələnib. Lakin hakimin qərarından qəzəblənən Pol özünü saxlaya bilməyib. O, sözün əsl mənasında, dişinin dibindən çıxan hər şeyi ədalət təmsilçisinə deyib. Əvəzində, hakim futbolçuya dalbadal 5 dəfə qırmızı vərəqə ilə cəzalandırıb.

Matçdan sonra günahını boynuna almasına, qarşı tərəfdən üzr istəməsinə baxmayaraq, Kuper cəzadan yaxa qurtarmağı bacarmayıb. Şotlandiya Futbol Assosiasiyası onu 2 illiyə diskvalifikasiya edib. Polun 39 yaşını nəzərə alsaq, onun 2 ilin bitməsini gözləməyib, elə indidən butslarını mıxdan asması daha yaxşı variant sayılır.

• Messi "Barselona"nın dəvətindən imtina edə bilər
• "Benfika" Orkun Kökçü transferinin detallarını açıqlayıb
• "Fənərbaxça"da şok ayrılıq: İstefa verdi
• “Benfika” “Real”ın yetirməsini heyətinə qatıb
• Avropa Liqasında yox, Konfransda oynayacaq – “Kristal Pelas”a UEFA şoku