Karlsondan Sadıqova “hədiyyə”: Onuncu = Sonuncu

22.02.2010 - 10:46

Vaqif Sadıqovun “Neftçi” klubunun baş məşqçisi postunda fəaliyyəti cəmi 174 gün sürdü. Apasport.az saytının məlumatına görə, 51 yaşlı mütəxəssis ötən il sentyabrın 1-də təyin olunduğu vəzifədə heç yarım il duruş gətirə bilmədi və fevralın 21-də istefa verməyə məcbur oldu.

Sadıqov bu müddətdə paytaxt komandasını 19 qarşılaşmaya çıxarıb. 20-ci oyuna kimi postunda qalmayan çalışdırıcı bu müddətdə 8 qələbəyə sevinməklə yanaşı, 8 heç-heçə ilə təsəlli tapıb. Bakının “İnter” klubundan məğlubiyyət isə sayca üçüncü və sonuncu olub. Girts Karlsonun vurduğu qələbə qolu Sadıqovlu “Neftçi”nin qapısında gördüyü onuncu və sonuncu top oldu.

2009-cu il sentyabrın 1-dən 2010-cu il fevralın 21-dək

Çempionat	17	6	8	3	15-10	26
Kubok	2	2	0	0	7-0	6
Cəmi	19	8	8	3	22-10	32

Xatırladaq ki, bu, Sadıqovun “Neftçi”də ikinci fəaliyyət dövrü olub. İlk dəfə 17 il əvvəl paytaxt klubunun “sükanı arxasına” keçən çalışdırıcının o vaxtkı işi indiki ilə müqayisədə daha uğurlu alınmışdı. Qələbə və heç-heçələrin oyunların ümumi sayına nisbətən faizi də, orta məhsuldarlıq da daha yaxşı idi. Üstəlik, 174 gün deyil, 2 il yarımdan çox çəkmişdi. Həmin vaxt bakılılar Sadıqovla birlikdə ölkə kuboku və Superkubokunu əldə edib.

1993-cü il mayın 18-dən 1995-ci il dekabrın 5-dək