Martın 3-də Azərbaycan milli komandası ilə yoldaşlıq oyununda qarşılaşacaq Lüksemburq yığması sabah daha bir görüş keçirəcək. Apasport.az saytının məlumatına görə, millimizlə oyuna ciddi önəm verən Quy Hellersin yetirmələri daha bir klubla qüvvəsini sınayacaq. Bir müddət əvvəl Almaniyanın aşağı dəstə təmsilçisi “Ayntraxt”a (Trir) uduzan lüksemburqlular bu dəfə məşhur “Mets” klubu ilə üz-üzə gəlməyə məcbur olub. Əvvəl “Allemaniya” ilə görüşmək haqda razılıq əldə edən rəqibimiz almaniyalıların imtinası üzündən Fransa təmsilçisi ilə görüşəcək. Hazırda bu ölkənin aşağı dəstəsində çıxış edən “Mets”lə oyun “Dudelanj” klubuna məxsus “Yos-Nosbaum” stadionunda keçiriləcək. Qarşılaşma Bakı vaxtı ilə saat 22:00-da başlayacaq.

Qeyd edək ki, Fransa yığmasının heyətində Avropa çempionu olan Silven Viltord hazırda “Mets”in heyətində çıxış edir.

• “Fənər”də ciddi itki - YOXLAMA MATÇINDA ZƏDƏLƏNİB
• Firmino karyerasını Qətərdə davam etdirəcək
• "Fənərbaxça"nın transferi ingilisləri heyrətə saldı: Trossardın transferi tamamlanıb
• “Nyukasl” ukraynalı müdafiəçi üçün 70 milyon avro ödəməyə hazırdır
• “Barselona” “Çelsi”nin futbolçusunu istəyir