Tezliklə Bakıda dünya futbolunda görünməmiş hadisə gerçəkləşəcək. Apasport.az saytının məlumatına görə, “Neftçi” və “İnter” klubları 25 gün ərzində rəsmi yarışlarda 4 dəfə ardıcıl üz-üzə gələcəklər. Bu iki komanda Premyer Liqa və ölkə kuboku uğrunda qüvvələrini sınayacaqlar.

Belə oyunlardan birincisi fevralın 21-də, Premyer Liqanın təsnifat mərhələsinin sonuncu, XXII turunda baş tutub. Həmin gün “İnter” öz meydanında 1:0 hesablı qələbə qazanmışdı. Final mərhələsinin martın 13-də keçiriləcək ilk turunda da bu komandalar mübarizə aparacaqlar. Özü də oyun yenə “Şəfa” stadionunda olacaq.

Yaxın günlərdə “Neftçi” və “İnter” arasında qarşılaşmaları Azərbaycan kuboku uğrunda yarışın 1/4 final mərhələsində də izləmək mümkün olacaq. İlk matç martın 7-də Tofiq Bəhramov adına Respublika stadionunda, cavab görüşü isə martın 17-də “Şəfa”da keçiriləcək. Başqa sözlə, “Neftçi” və “İnter” fevralın 21-dən martın 17-dək 4 dəfə (bunlardan üçü “Şəfa” stadionunda) ardıcıl qarşılaşmalıdırlar.

Qeyd edək ki, Azərbaycan futbolunda iki komandanın ardıcıl 3 dəfə üz-üzə gəlməsinə bir neçə dəfə rast gəlinib. Ancaq eyni komandaların ardıcıl 4 dəfə qarşılaşması nəinki ölkəmizdə, ümumiyyətlə dünyada görünməmiş hadisələrdəndir.

• “Fənər”də ciddi itki - YOXLAMA MATÇINDA ZƏDƏLƏNİB
• Firmino karyerasını Qətərdə davam etdirəcək
• "Fənərbaxça"nın transferi ingilisləri heyrətə saldı: Trossardın transferi tamamlanıb
• “Nyukasl” ukraynalı müdafiəçi üçün 70 milyon avro ödəməyə hazırdır
• “Barselona” “Çelsi”nin futbolçusunu istəyir