Azərbaycan milli komandası ilə yoldaşlıq oyununda 0:2 hesabı ilə məğlub olan İordaniya yığmasının baş məşqçisi Adnan Hamad yetirmələrindən narazı qalıb.

Apasport.az saytının məlumatına görə, 49 yaşlı iraqlı mütəxəssis Əmmandakı matçın nəticəsinin ədalətli olduğunu düşünür. AFFA-nın rəsmi internet saytına açıqlama verən Hamad Azərbaycan yığmasının qələbəyə daha layiq olduğunu etiraf edib: “Azərbaycan millisi yaxşı oyun nümayiş etdirdi və layiqli qələbə qazandı. Biz isə demək olar ki, öz oyunumuzu göstərə bilmədik”.

Qeyd edək ki, Hamad karyerası ərzində 5 dəfə İraq milli komandasının baş məşqçisi təyin olunmaqla özünə məxsus rekord müəyyənləşdirib. Lakin o, heç vaxt 1 ildən artıq bu postda qalmayıb.

• “Atalanta”nın hücumçusu “Qalatasaray”ın radarında
• “Real”ın heyətində ciddi itki yaşanıb
• "Qalatasaray"da ciddi itki - "Ayaks"la oyunu buraxacaq
• “Bavariya” rekord gəlir əldə edib
• “Fiorentina” idman direktorunu qovub