Azərbaycan çempionu Georgi Demetradze özünə yeni klub tapıb. Apasport.az saytının məlumatına görə, ötən mövsüm “Bakı”nın heyətində Azərbaycan Premyer Liqasının qalibi olmuş 34 yaşlı gürcü futbolçu Sxinvalinin “Spartak” klubunda düşərgəsində yer alıb. Demetradze ötən yay ölkəmizdə çıxışını başa vurub, işsiz qaldıqdan sonra Cənubi Osetiya təmsilçisi ilə birgə məşq edirdi. “Spartak”ın məşqçisi Vova Xaçidze təcrübəli hücumçunun minimum iyunadək komandada oynayacağını istisna etməyib.

Qeyd edək ki, Demetradze vətənində, Rusiya və Ukraynada mövsümün bombardiri olsa da, “Bakı”da oynadığı bir ildə məhsuldarlıq nümayiş etdirə bilmədi. Əsas heyətdə möhkəmlənməyi bacarmayan gürcü futbolçu hələlik karyerasını bitirmək fikrində deyil.

• Silahlı hücumdan sonra Serhat Akından radikal qərar
• Dibala "Qalatasaray"ın maraq dairəsində
• "Atletiko"da yeni müqavilə
• Arda Gülər "Fənərbaxça" yolunda - İDDİA
• “Beşiktaş”da növbəti zədə problemi