AFFA-nın Apelyasiya və Ekspert Komitəsinin növbəti iclası keçirilib. Apasport.az-ın AFFA-nın rəsmi saytına istinadən verdiyi məlumata görə, yığıncaqda “Simurq” və “Mugan” klubları tərəfindən verilən apelyasiya şikayətinə baxılıb.

Qərara alınıb ki, “Simurq”un futbolçusu Tural Cəlilovun cəzası 1 oyun azaldılsın. “Mugan”ın əvəzedici komandasının baş məşqçisi Elşad Quliyevə qarşı tətbiq edilmiş cəza isə qüvvədə qalıb.

Qeyd edək ki, AFFA-nın İntizam Komitəsinin fevralın 23-də keçirilmiş iclasında Quliyev hakimlər briqadasını təhqir etdiyindən, 4 oyunluq cəzalandırılmışdı, onun klubu isə 2000 manat cərimələnmişdi. Cəlilova gəlincə, o, “Olimpik-Şüvəlan”ın futbolçusunu dirsəklə vurduğuna görə 2 oyunluq cəzalandırılmışdı.

• Silahlı hücumdan sonra Serhat Akından radikal qərar
• Dibala "Qalatasaray"ın maraq dairəsində
• "Atletiko"da yeni müqavilə
• Arda Gülər "Fənərbaxça" yolunda - İDDİA
• “Beşiktaş”da növbəti zədə problemi