“Kubok oyunları iki qarşılaşmadan ibarət olduğundan, bizim üçün hələ heç nə bitməyib”. Apasport.az saytının məlumatına görə, bu sözləri “Qarabağ”a qarşı bu gün Quzanlı qəsəbəsində keçirilən oyundan sonrakı mətbuat konfransında “Xəzər-Lənkəran”ın baş məşqçisi Ağasəlim Mircavadov deyib.

Mircavadov meydançanın ot örtüyünün və güclü küləyin istədikləri oyunu nümayiş etdirməyə mane olduğunu bildirib: “Biz indi növbəti oyun barədə fikirləşirik. Təbii ki, bizə ancaq qələbə sərf edir. Hər iki komandanın mübariz oyunundan isə razı qaldım”.

Xatırladaq ki, Azərbaycan kubokunun 1/4 final mərhələsinin bu gün keçirilən “Qarabağ” – “Xəzər-Lənkəran” oyunu 2:1 hesabı ilə meydan sahiblərinin qələbəsi ilə başa çatıb.

• Dibala "Qalatasaray"ın maraq dairəsində
• "Atletiko"da yeni müqavilə
• Arda Gülər "Fənərbaxça" yolunda - İDDİA
• “Beşiktaş”da növbəti zədə problemi
• “Liverpul”da ciddi itki