“Olimpik-Şüvəlan”ın gürcüstanlı futbolçusu Roman Qoqinaşvili üçün cari mövsüm başa çatıb. Apasport.az saytının məlumatına görə, martın 5-də komandasının “Şəfa” stadionunda keçirdiyi məşq zamanı ağır zədə alan Qoqinaşvili ən azı 6 ay futbol oynaya bilməyəcək.

Mərkəzi Gömrük Qospitalında müayinədən sonra həkimlər yarımmüdafiəçinin sağ ayağında ciddi zədə aşkar edərək, ona “ön çarpaz bağların qırılması, meniskusun yırtılması” diaqnozunu qoyub. Alınan nəticələri təhlil edən klubun həkimləri Romanın Türkiyədə əməliyyat olunmasını məqsədəuyğun sayaraq, Türkiyəyə yollanması haqda rəhbərlik qarşısında vəsatət qaldırıblar. O məşhur həkim Mehmet Binnətin klinikasında əməliyyat olunacaq.

• İspaniya millisinin üzvü sıx qrafikdən narazıdır
• Kloppun yeni iş yeri bəlli olub
• Mourinyo onu istəmir: "Fənərbaxça"dan gözlənilməz qərar
• “Yanq Boyz”da gözlənilən ayrılıq
• "Mançester Siti"nin idman direktoru 12 il sonra klubdan ayrılır