“Kamran Ağayevin zədə üzündən meydana çıxmamasını “Xəzər-Lənkəran” üçün ciddi itki saymıram”. Bu sözləri apasport.az saytına açıqlamasında Ağdamın “Qarabağ” klubunun qapıçısı Fərhad Vəliyev deyib.

Ölkə kubokunun 1/4 final mərhələsinin “Xəzər-Lənkəran”la cavab görüşü milli komandamızın qapıçılarının üz-üzə gəlməsinə şərait yaradıb. Ancaq Kamran Ağayev yığmamızın Lüksemburqla oyununda zədələndiyindən son 2 qarşılaşmanı kənardan izləyib. Vəliyev yığmada əvəzləyicisi olduğu Ağayevin kubok görüşündə oynamamasına belə münasibət bildirib: “Düzdür, Kamran milli komandanın qapıçısı olsa da, onun yaxşı əvəzləyicisi var. Hər halda, Dmitri Kramarenko da təcrübəli əlcək sahiblərindəndir. Əlbəttə ki, Kamranın meydanda olması daha yaxşı olardı. Ancaq rəqibimizin buna görə ciddi problemi yaşayacağına inanmıram”.

• Maquayrın durumuna aydınlıq gəldi
• Türkiyənin ən dəyərli futbolçusu açıqlanıb - Siyahı
• "Beşiktaş"ın ulduz futbolçusu millinin şəraitini bəyənmədiyi üçün komandasından ayrılıb
• Türkiyə millisinin heyətində dəyişiklik
• Sane İngiltərə klubuna keçə bilər