Futzal üzrə UEFA kubokunun «Dördlər finalı»nda «Araz»ın qarşılaşacağı komanda müəyyənləşib. Apasport.az saytının xəbərinə görə, Portuqaliyanın Lissabon şəhərində keçirilən püşkatmanın nəticəsinə əsasən, «Araz» futzal üzrə UEFA kubokunun hazırkı sahibi - İspaniyanın «İntervyu» komandası ilə qarşılaşacaq. «Araz» - «İntervyu» oyunu aprelin 23-də, Bakı vaxtı ilə saat 21:00-da başlayacaq. Həmin gün, Bakı vaxtı ilə saat 23:30-da, digər yarımfinal cütlüyündə Portuqaliyanın «Benfika» və İtaliyanın «Luparense» komandaları finala yüksəlmək uğrunda mübarizə aparacaq.

Üçüncü yer uğrunda oyun aprelin 25-də, Bakı vaxtı ilə saat 19:00-da, final qarşılaşması isə həmin gün Bakı vaxtı ilə saat 21:30-da başlayacaq.

Bütün oyunlar Lissabondakı «Pavilyau du Atlantiku» kompleksində keçiriləcək.

• "Barselona" "Mançester Yunayted"in hücumçusunu ala bilər
• "Borussiya"da ciddi itki
• “Monako”da yeni müqavilə
• Yamal ən yaxşı adına layiq görüldü
• Yassin Benzia Əlcəzair millisində