“Yaxşı oyun keçdi. Müdafiə xəttimiz və qapıçımız çox yaxşı oynadı. Lakin hücumda bəzi çatışmazlıqlarımız var, ona görə də bir sıra qol imkanlarından yararlana bilmədik”. Apasport.az saytının xəbərinə görə, bunu “Olimpik-Şüvəlan” klubunun baş məşqçisi Nazim Süleymanov deyib.

Ölkə çempionatının XXV turunda “Karvan”la öz meydanında heç-heçə (0:0) oynayan “təyyarəçilər”in çalışdırıcısı vurğulayıb ki, qarşılaşmada 3 futbolçunun xidmətindən yararlana bilməyib: “Bu oyunda cəzalı 3 oyunçumuz oynaya bilmədi. Yunis Hüseynovu bu cür gözəl komanda yaratdığına görə təbrik edirəm. Deyərdim ki, bugünkü qarşılaşmada bəzi epizodlarda həm "Karvan"ın, həm də bizim bəxtimiz gətirmədi".

• "Barselona" "Mançester Yunayted"in hücumçusunu ala bilər
• "Borussiya"da ciddi itki
• “Monako”da yeni müqavilə
• Yamal ən yaxşı adına layiq görüldü
• Yassin Benzia Əlcəzair millisində