Futzal üzrə Azərbaycan çempionu “Araz”ı UEFA kubokunun yarımfinalında ciddi sınaq gözləyir. Apasport.az saytının məlumatına görə, təmsilçimizin rəqibi olan İspaniyanın “İntervyu” klubu Portuqaliyada keçiriləcək “Dördlər finalı”na qalib olmaq üçün qatılır.

Lissabonda təşkil olunan püşkatmaya qatılan klubun baş direktoru Xesus Klaveria “Araz” və ya digər komanda ilə qarşılaşmalarının heç bir əhəmiyyət kəsb etmədiyini açıqlayıb: “Biz final mərhələsindən maksimum nəticə gözləyirik. Komandamız Avropa çempionudur. Portuqaliyaya da titulumuzu qorumaq üçün gəlirik. Lissabona yaxşı bələdik və bu şəhərdən qalib kimi ayrılacağımıza ümid edirik. Ümumilikdə, “Dördlər finalı”na qatılan bütün komandalar turnirdə qalib gəlmək potensialına malikdir”.

Qeyd edək ki, “Araz” – “İntervyu” matçı aprelin 23-də keçiriləcək.

• "Borussiya"da ciddi itki
• “Monako”da yeni müqavilə
• Yamal ən yaxşı adına layiq görüldü
• Yassin Benzia Əlcəzair millisində
• Poqba yaşıl meydanlara qayıdır