İngiltərə yığmasının baş məşqçisi Fabio Kapello dünya çempionatının favoritlərinin adlarını açıqlayıb. Apasport.az saytının məlumatına görə, məşhur italiyalı mütəxəssis 5 komandanın mundialı qazanmaq iqtidarında olduğunu düşünür.

62 yaşlı məşqçi bu ilin iyununda keçiriləcək yarışın favoritləri sırasına həmyerliləri – hazırkı dünya çempionu İtaliya millisini daxil etməyib: “Dünya çempionluğuna 5 real namizəd var. Bunlar İspaniya, Braziliya, Argentina, Hollandiya və İngiltərədir”.

Göründüyü kimi, Kapello mundiala gedən yolda Azərbaycan milli komandası ilə iki dəfə qarşılaşan (2:0 və 4:0) və növbəti seçmə mərhələdə də rəqibimiz olan Almaniyanı favorit saymır. Yəni o, Bundestimin CAR perspektivinin üstündən xətt çəkir.

• "Borussiya"da ciddi itki
• “Monako”da yeni müqavilə
• Yamal ən yaxşı adına layiq görüldü
• Yassin Benzia Əlcəzair millisində
• Poqba yaşıl meydanlara qayıdır