Bolqarıstanın “Slaviya” klubunun prezidenti Ventsislav Stefanov futbolçusunun həyatını xilas edib. Apasport.az saytının məlumatına görə, ölkə çempionatı oyunu zamanı Sofiya təmsilçinin gənclər komandasının üzvü Radomir Nikovun rəqiblə toqquşmadan sonra huşunu itirdiyini görən prezident dərhal hərəkətə keçib.

Meydana qaçan Stefanov futbolçuya kömək etmək məqsədilə onun qatlanan dilini çıxarıb. Özü də maraqlıdır ki, həmin insidenti görməyən baş hakim futbolçulara oyunu davam etdirməyə imkan yaradıb. Stefanov bu hərəkətini insanlıq borcu sayır: “Bizim futbolçunun yerində başqası olaydı, həmin hərəkəti ona qarşı da edərdim. Gördüm ki, futbolçumuz huşunu itirərək, yerə yıxıldı. Bu zaman hakimin icazəsi olmadan meydana çıxıb, kömək etməyi özümə borc bildim”.

• "Barselona" qol oldu, yağdı - 6 qollu qələbə
• Xabi Alonso “Real”ın tarixinə düşüb
• “Fənərbaxça” - “Trabzonspor” matçı bu kanalda
• “Beşiktaş”ın futbolçusu Yunanıstan klubunda - RƏSMİ
• “Fənərbaxça” – “Trabzonspor” oyununun saatı dəyişdirilib: MİLLİ MATÇA GÖRƏ