Azərbaycan yığmasının Avstriyadakı hazırlıq prosesinə 24 futbolçu qatılacaq. Apasport.az saytının xəbərinə görə, bu barədə milli komandanın baş məşqçisi Berti Foqts bu gün keçirdiyi brifinqdə məlumat verib. O bildirib ki, səfərə mayın 24-də çıxacaq yığmanın düşərgəsinə ölkədən kənarda oynayan Mahir Şükürovla Vaqif Cavadov da qoşulacaq.

Mayın sonu – iyunun əvvəlində komandamızın keçirəcəyi yoldaşlıq görüşlərinə legionerlərin gəlişində problem yaranıb. Hər halda, Şükürov çıxış etdiyi Rusiyanın “Anji” klubunun həmin vaxt bütün futbolçuları ilə Avstriyaya təlim-məşq toplanışına gedəcəyini və bunun üçün vizalarının açıldığını bildirib. Ancaq Foqtsun sözlərinə görə, nə Şükürov, nə Hollandiyanın “Tvente” klubunda oynayan Cavadovun yığmaya gəlişində problem yaranacaq. Yəni, AFFA bu məsələdə onların klubları ilə razılığa gəlib. Foqts Avstriyada olduğu müddətdə futbolçuları tibbi müayinədən də keçirəcək.

Qeyd edək ki, milli komandamız mayın 26-da Moldova, 29-da Makedoniya, iyunun 2-də Honduras yığması ilə yoldaşlıq görüşü keçirəcək.

• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ
• TFF-dən “Fənərbaxça”ya: ”Federasiyamız “hesab vermə kürsüsü” deyil”