Vaqner Lav Berti Foqtsla razı deyil

28.04.2010 - 09:35

Braziliya yığmasının futbolçusu Vaqner Lav çıxış etdiyi “Flamenqo” klubunu tərifləyib. Apasport.az saytının məlumatına görə, 26 yaşlı hücumçu Cənubi Amerikanın ən güclü klub turniri olan Libertadores kubokunda çıxış edən komandasının kifayət qədər güclü olduğunu düşünür. 1/8 final mərhələsinin Braziliyanın digər klubu “Korintians”la oyunu ərəfəsində Lav “Flamenqo” haqda yüksək fikirdə olduğunu açıqlayıb: “İki nəhəng klub qarşılaşacaq. Mənim oynadığım komanda möhtəşəm, güclü bir klubdur”.

Qeyd edək ki, Azərbaycan yığmasının baş məşqçisi Berti Foqts “Flamenqo”nun çıxış etdiyi Rio-de-Janeyro birinciliyini ciddi tənqid etmişdi. O, özünün bu yaşda orada oynaya və hətta qol vura qol biləcəyini deməklə, 15 qolla yarışın ən yaxşı bombardiri olan Vaqnerin də əməyini kölgə altına salmışdı.