Ağasəlim Mircavadovun qayıtmaq vaxtı məlum oldu

28.04.2010 - 10:08

Unibank Premyer Liqasının XXX turunun oyunlarının başlama saatları məlum olub. Apasport.az-ın məlumatına görə, mayın 1-də baş tutacaq görüşlərdən ikisinin vaxtı dəyişdirilib.

İlk “altılıq”da mübarizə aparan “Qəbələ” ilə “Bakı” digər komandalardan 15 dəqiqə gec meydana çıxacaq. “İnter”lə “Qarabağ” arasında matç isə başqa oyunların ikinci hissəsi ilə eyni vaxt başlayacaq.

İlk “altılığ”ın yalnız bir oyunu saat 17:00-da başlayacaq ki, bu da “Neftçi” ilə “Xəzər-Lənkəran”ın görüşüdür. Prinsipial rəqiblərin son oyununda düşən qalmaqaldan sonra 4 oyunluq cəzalanan Ağasəlim Mircavadov da məhz bu matçda yenidən iş başında olacaq. O, “Xəzər-Lənkəran”ı yenidən Premyer Liqa oyununa çıxaracaq.

1 may (şənbə)

17:00. "Neftçi" - "Xəzər Lənkəran"
Bakı. İ.Qayıbov adına Bakıxanov qəsəbə stadionu

17:00. "Karvan" - "Olimpik-Şüvəlan"
Yevlax. Şəhər stadionu

17:00. "Simurq" - "Turan"
Zaqatala. Olimpiya İdman Kompleksinin stadionu

17:00. "Standard" - "Muğan"
Sumqayıt. M.Hüseynzadə adına Sumqayıt şəhər stadionu

17:15. "Qəbələ" - "Bakı"
Qəbələ. Şəhər stadionu, süni örtüklü meydança

18:00. "İnter" - "Qarabağ"
Bakı. "Şəfa" stadionu