Özbəkistan Azərbaycan yığmasına “əlcək atdı”

30.04.2010 - 10:15

Futzal üzrə Azərbaycan milli komandası Özbəkistanla yoldaşlıq oyunu keçirəcək. Apasport.az-ın AFFA-nın rəsmi internet saytına istinadən məlumatına görə, Joze Alessionun yetirmələri mayın 18-də və 19-da Daşkənddə özbəkistanlı futzalçılarla iki dəfə üz-üzə gələcək.

Bu oyunların baş tutmasına Özbəkistan Futbol Federasiyasının müraciəti səbəb olub. Mayın 23-dən iyunun 5-dək Daşkənddə baş tutacaq Asiya kubokunun final mərhələsinə hazırlaşan meydan sahibləri yığmamızı sınaqçı rəqib kimi görmək istəyib. AFFA rəhbərliyi asiyalıların təklifini müsbət dəyərləndirib.