Adamiya “Xəzər-Lənkəran”ı birinci pillədə saxladı

01.05.2010 - 18:55

Unibank Premyer Liqasında XXX turun oyunları keçirilib. Apasport.az saytının məlumatına görə, liderlərin büdrədiyi həftədə “Xəzər-Lənkəran” birinci pillədə mövqeyini bir qədər də möhkəmlədib.

Düzdür, lənkəranlılar “Neftçi” ilə səfərdə keçirdiyi derbi oyunda vacib 2 xal itirsə də, ən yaxın izləyicilərinin eyni hesablı məğlubiyyəti işinə yaradı. Nəticədə “Xəzər-Lənkəran” “İnter”i son 2 tur qalmış artıq 2 xal qabaqlayır. “Qarabağ”ın gürcü hücumçusu Georgi Adamiya “İnter”lə görüşdə vurduğu qələbə topu ilə rəqibi çalışdıran həmyerlisi Kaxaber Sxadadzeni üzdü, onu ölkəmizə gətirən Ağasəlim Mircavadovun baş məşqçisi olan komandanı zirvədə saxladı.

“Qəbələ” “Bakı”nı evdə yenməklə, rəqibini çempionluq titulunu təkrarlamaq yolunda işini çətinləşdirdi, eyni zamanda, bürünc medallar uğrunda mübarizəni daha da gərginləşdirdi. Avrokuboklara şansını saxlayan qəbələlilər 4-cü yeri tutmaq uğrunda mübarizəsini davam etdirir.

İkinci “altılıq”da ən diqqəti çəkən məqam “Karvan”ın Premyer Liqada yerinin itirməsinin rəsmiləşməsi oldu. Onun birinci diviziona yol yoldaşı çox güman “Standard” olacaq. Hər halda, “Standard”ı səfərdə məğlub edən “Muğan”ın 5 xallıq fərqi əldən verəcəyi heç inandırıcı görünmür.

1 may

"Neftçi" - "Xəzər-Lənkəran" - 0:0
Baş hakim: Vüsal Əliyev
Bakı. İsmət Qayıbov adına Bakıxanov qəsəbə stadionu
Cari çempionatdakı oyunlar – hər üçü 0:0

"Karvan" - "Olimpik-Şüvəlan" - 0:1
QOL: İlqar Qurbanov, 49
Yevlax. Şəhər stadionu
Cari çempionatdakı oyunlar – 2:3, 0:4, 0:0

"Simurq" - "Turan" - 2:1
QOLLAR: Aleksandr Qolban, 41; Elşən Məmmədov, 79 - Elnur Məmmədov, 67
Zaqatala. Olimpiya İdman Kompleksinin stadionu
Cari çempionatdakı oyunlar - 2:1, 2:1, 0:0

"Standard" - "Muğan" - 0:2
QOLLAR: Kabba Samura, 30; Tural Axundov, 49
Sumqayıt. Mehdi Hüseynzadə adına şəhər stadionu
Cari çempionatdakı oyunlar - 0:1, 1:0, 0:1

"Qəbələ" - "Bakı" - 1:0
QOL: Paulino Lopes Tavares, 73
Qəbələ. Şəhər stadionunun süni örtüklü meydançası
Cari çempionatdakı oyunlar – 0:2, 0:2, 1:1

"İnter" - "Qarabağ" - 0:1
QOL: Georgi Adamiya, 84
Bakı. "Şəfa" stadionu
Cari çempionatdakı oyunlar – 2:1, 1:1, 1:1

I "altılıq"

	komandalar	o	q	h	m	t	x
1	"Xəzər-Lənkəran"	18	6	9	3	18-11	27
2	"İnter"	18	6	7	5	18-18	25
3	"Bakı"	18	6	6	6	18-15	24
4	"Qarabağ"	18	5	8	5	14-17	23
5	"Neftçi"	18	4	9	5	11-12	21
6	"Qəbələ"	18	4	7	7	17-23	19

II "altılıq"

	komandalar	o	q	h	v	t	x
1	"Olimpik-Şüvəlan"	18	9	5	4	25-15	32
2	"Simurq"	18	8	7	3	20-14	31
3	"Turan"	18	6	7	5	23-21	25
4	"Muğan"	18	6	6	6	14-13	24
5	"Standard"	18	5	4	9	16-23	19
6	"Karvan"	18	2	7	9	13-25	13